မြန်မာဘလော့ဂ်ဂါ စာအုပ်အတွက် ရန်ပုံငွေကိစ္စ

(စိုးဇေယျထွန်း)

ဘလော့ဂ်ဂါ မိတ်ဆွေအပေါင်းတို့ ခင်ဗျား...

မြန်မာ ဘလော့ဂ်ဂါတွေရဲ့ စုစည်းညီညွှတ် မှုကြောင့် ကျွန်တော်တို့ရဲ့ ဘလော့ဂ် စာအုပ်လေးဟာ အခုဆိုရင် တော်တော်လေးကို ခရီးရောက်နေပါပြီ။ ဘုရင်နောင်ဖောင်ဖျက် ဆိုသလိုပဲ အခုဆိုရင် ပြည်တွင်း ဂျာနယ်တွေမှာ ဒီဘလော့ဂ်စာအုပ် သြဂုတ်လ အတွင်းမှာ ထွက်ပါမယ် ဆိုတဲ့ အကြောင်းကိုလည်း ထဲ့သွင်း ကြေငြာလိုက်ပါပြီ။ ဒါကြောင့် ကျွန်တော်တို့မှာ ဒီစာအုပ်ကို ဘယ်လိုအခက်ခဲတွေ ရှိနေရှိနေ ကျော်ဖြတ်ဖို့ရာ တာဝန်ရှိလာပါပြီ။


စာအုပ်ကို သုတနဲ့ ရသ အတွက် အဓိကဦးတည်ပြီး ထုတ်ပါမယ်။ နည်းပညာပိုင်း ဆိုင်ရာများကတော့ ကွန်ပျူတာနှင့် အလှမ်းကွာဝေးနေ သေးတဲ့ လူအများစုအတွက် အသုံးတည့်မှာ မဟုတ်ပါဘူး။ ဒါပေမယ့် ဘလော့ဂ်ဆိုတာ ဘာလဲ၊ ယူနီကုဒ်ဆိုတာ ဘာလဲဆိုတာမျိုး တွေကိုတော့ သုတအနေနဲ့ ထည့်သွင်းသွားဖို့သင့်တော်ပါတယ်။ ဘလော့ဂ်ဂါများ ဆန္ဒရှိပါက နည်းပညာ ပိုင်းအတွက် သီးသန့် စာအုပ်ကို ထပ်မံ ထုတ်ဝေပါမယ်။

လောလော ဆယ်တော စာအုပ်လေးကို နာမည်ပေးပွဲ စနေပါပြီ မိတ်ဆွေလဲ www.myanmarbloggers.forum5.com ထဲက Lobby အောက်မှာ နာမည်လာရွေးပေးပါဦးလို့ ဖိတ်ခေါ်ချင်ပါတယ်။

စာအုပ်မှာ အခုထိလိုအပ်နေတဲ့ စာမူကတော့ မြန်မာတွေ လက်လှမ်းမှီတဲ့ နိုင်ငံတကာက တက္ကသိုလ်တွေ ဖြစ်ပါတယ်။ ဒီစာမူကတော့ စုပေါင်းရေးရမှာပါ ဥပမာ စင်ကာပူမှာ နေတဲ့ လူက သူကျွမ်းကျင်တဲ့ စင်ကာပူကျောင်းကိုရေးမယ် အဲလိုပဲ သြစတျေးလျ၊ ယူကေ၊ ကနေဒါ ယူအက်စ်အေ အစရှိ သဖြင့် ရေးပေးကြဖို့ တိုက်တွန်း မေတ္တာရပ်ခံချင်ပါတယ်။

ရန်ပုံငွေကိုတော့ အရင်လို သုံးသောင်းဆိုတာမျိုး သတ်မှတ်ချက် မရှိတော့ပါဘူး။ သဒ္ဓါသလောက်ထည့်ကြပါ လုံးဝမထည့်ရင်လည်းရပါတယ်။ ပိုထည့်ရင်လဲ စိတ်ဆိုးလိမ့်မည် မဟုတ်ပါ။ လိုအပ်တဲ့ ငွေကိုတော့ အမာခံ ဘလော့ဂ်ဂါများက ၀ိုင်းဝန်း စိုက်ထုတ် ပံ့ပိုးပေးသွားကြမှာပါ။

ကျွန်တော်တို့ လောလောဆယ် စီစဉ်ထားတာကတော့ မြန်မာဘလော့ဂ်ဂါ အားလုံးရဲ့ ပို့စ်တွေကို စာအုပ်မှာ ထည့်ဖို့ပါ။ ဒါပေမယ့် တစ်ခုရှိတာက ဘလော့ဂ်ဂါအားလုံးပါအောင် လုပ်ရင် စာအုပ်က ထူသွားပါမယ်။ စာအုပ် ထူတာနဲ့အမျှ ပြန်ရောင်းတဲ့ ဈေးနှုန်းကလဲ ကြီးမြင့်သွားပါလိမ့်မယ်။ အဲဒါကို ကာမိအောင် တစ်ခုလုပ်လို့ရ နိုင်တာက ကြော်ငြာ ကောက်ခံခြင်းပါ။ အဲလို ကြော်ငြာ ကောက်ခံပြီးလုပ်ရင် စာအုပ်ထုတ်လုပ်မှု စရိတ်ကို ကာမိသွားပြီး စာအုပ်ကို ဈေးနှုန်းသက်သာစွာရောင်း ချနိုင်ပါတယ်။ သို့သော် ဒုတိယ ပုံနှိပ်ခြင်း ကဲ့သို့သော ကိစ္စများ ပေါ်လာရင် ပြသနာ ရှိလာနိုင်ပါတယ်။ ဘာကြောင့်လဲဆိုတော့ ကြော်ငြာရှင်က ဒုတိယအကြိမ် ပုံနှိပ်ခြင်းအတွက် ပိုက်ဆံ ထပ်မံပေးနိုင်ခြင်းရှိ မရှိဆိုတာ ကျွန်တော်တို့ မသိနိုင်ပါဘူး။ ဒါကြောင့် ဒီကိစ္စကိုတော့ သေချာစဉ်းစား ရပါမယ်။

စာမူဖောင်ပိတ်ရက်ကို မေလ ၁ ရက်နေ့လို့ အကြမ်းဖျင်းသတ်မှတ်လိုက်ပါပြီ။ ဘာဖြစ်လို့လဲ ဆိုတော့ ဘလော့ဂ်ဂါဒေးက သြဂုတ် ၃၁ ။ စာထွက်ဖို့ သင့်တော်တာက သြဂုတ်လ ပထမပတ်။ သြဂုတ်လ ပထပတ်မှာ စာအုပ်ထွက်နိုင်အောာင် မေလ ပထမပတ်မှာ စာပေစိစစ်ရေးတင်ရပါမယ်။ စာပေ စိစစ်ရေးက စောစောကျမှ ကျွန်တော်တို့ စာအုပ်ကို အချော အတွင်းအပြင် Layout Design ထိုင်ရာမှာ အမှားအယွင်းနည်းစွားနဲ့ အရည်သွေးကောင်းကောင်း ဖြစ်အောင်လုပ်နိုင်မှာ ဖြစ်ပါတယ်။

စာအုပ်ဆိုဒ် ဘယ်လောက် စာမျက်နှာဘယ်လောက် ဆိုတာ အတိအကျ ပြောလို့ မရသေးပါဘူး။ ဘာဖြစ်လို့လဲ ဆိုတော့ စာအုပ်မှာ စာမူတွေ ဘယ်လောက်ပါ မလဲဆိုတာ အခုထိ မသိသေးလို့ပါ။ စာမူတွေ စုံစုံလင်လင်ရရင် ထပ်မံကြေငြာ သွားပါမယ်။

ဘယ်နေရာမှာ လှုမယ်ဆိုတာကိုတော့ စာအုပ်ထွက်ပြီးမှ ဘယ်နေရာတွေမှာ မိဘမဲ့ကလေး ကျောင်းတွေရှိတယ်။ ဘာတွေ လိုအပ်တယ်ဆိုတာကို ကျွန်တော် စာရင်းလုပ်ပေးပါမယ်။ အဲဒီတော့ မှာဘယ်နေရာမှာ လှုသင့်တယ်ဆိုတာ ဆုံးဖြတ်ကြတာပေါ့။

စာအုပ်ဖြစ် မြောက်ရေးအတွက် ကိုယ်စွမ်း ဥာဏ် စွမ်းရှိသရွေ့ ကြိုစား ဆောင်ရွက်ပေးနေတဲ့ ဘလော့ဂ်ဂါများနှင့် ကိုဇင်ကိုလတ်၊ ကိုရန်အောင်၊ ကိုကျော်ဇေယျ နဲ့ ကိုဝေယံလင်း တို့ကို အထူးပင်ကျေးဇူး တင်ရှိပါကြောင်း ဖော်ပြလိုပါတယ်။

မိတ်ဆွေရဲ့ မတူညီတဲ့ အမြင်များနှင့် အကြံပြုချက်ကို စောင့်ကြိုနေပါတယ်ခင်ဗျာ…